Nga sot në kinematë të Cineplexx në Prishtinë dhe në Prizren do të fillojnë të shfaqen 4 premiera të ndryshme botërore.

Për të gjithë do të ketë zgjedhje të ndryshme prej të cilave mund t’i përzgjedhin sipas preferencave të zhanreve të filmave si romancë, aksion, horror dhe animacion për fëmijë.

Këta janë katër filmat që do të fillojnë të shfaqen nga sot:

Beast

Aksion/Triller

Filmi e gjen Dr. Nate Daniels (Idris Elba) në një udhëtim me dy vajzat e tij adoleshente në Afrikën e Jugut të menaxhuar nga një mik i vjetër i familjes dhe biolog i kafshëve të egra. Megjithatë, ajo që fillon si një udhëtim relaksues shpejt kthehet në një luftë të frikshme për mbijetesë kur një luan, një i mbijetuar i gjuetarëve të etur për gjak, fillon t’i ndjekë ata.

Orarin e filmit mund ta gjeni KËTU  

After Ever Happy

Romancë/Dramë

Bazuar në romanin e njohur, vjen pjesa e katërt e serisë së filmave After. Teksa shfaqet një e vërtetë tronditëse për familjet e çiftit, dy të dashuruarit zbulojnë se nuk janë aq të ndryshëm nga njëri-tjetri. Tessa nuk është më vajza e ëmbël, e thjeshtë dhe e mirë që ishte kur takoi Hardin-in – më shumë se ai që ishte djali mizor dhe me temperamente me të cilin ajo u dashurua.

Orarin e filmit mund ta gjeni KËTU

The Invitation

Horror/Triller

Pas vdekjes së nënës së saj dhe pa pasur të afërm të tjerë të njohur, Evie bën një test të ADN-së dhe zbulon një kushërirë të humbur që kurrë nuk e dinte se e kishte. E ftuar nga kushëriri i saj i sapo gjetur në një dasmë luksoze në fshat, ajo joshet nga mikpritja e një aristokrati. Megjithatë, ajo shumë shpejt futet në një makth mbijetese në këtë dasmë.

Orarin e filmit mund ta gjeni KËTU

Tad the Lost Explorer and the Emerald Tablet

Animacion/Aventurë

Tad lëshon aksidentalisht një magji të lashtë që rrezikon jetën e miqve të tij: Mamit, Jeff dhe Belzoni. Me të gjithë kundër tij dhe i ndihmuar vetëm nga Sara, ai niset në një aventurë, për t’i dhënë fund mallkimit të mumjës.

Orarin e filmit mund ta gjeni KËTU

Për më tepër informata rreth orareve vizitoni webfaqen e Cineplexx ndërsa biletat mund t’i bleni përmes aplikacionit Cineplexx KS apo direkt në kinema prej orës 15:00. /KultPlus.com