PriFest publikon listat e para të programit

14 Qershor, 2018 - 3:00 pm

Prishtina International Film Festival ka publikuar disa nga titujt të cilët do shfaqen gjatë edicionit të dhjetë të festivalit, konkretisht në një prej programeve më të rëndësishme, përcjellë KultPlus.

Programi garues i cili i kushtohet traditës më të hershme të kinemasë, asaj europiane në këtë edicion vjen me tituj të cilët nuk kanë tërhequr thjesht vëmendjen e kineastëve dhe kritikëve, por kanë sjellë frymë dhe stil të ri në filmbërje. Sivjet, PriFest publikon listën me 6 filma të metrazhit të gjatë, te cilet garojne ne kete kategori per te fituar cmimin Hyjnesha e Arte per filmin me te mire Europian.Intrigues, të guximshëm, argëtues, melankolik, tradicional e seksi. Përzgjedhja e kësaj kategorie do i japë publikut të PriFest të shijojë risitë më të spikatura të kinemasë Europiane ne dy vitet e fundit.

“ANCHOR AND HOPE”, “FOAM AT THE MOUTH “,“I WAS A DREAMER”, “ wAJIB”, “WHEN THE TREES FALL”, “APOSTASY”, janë disa nga filmat titujt e të cilëve janë bërë të ditur.

PriFest, që sivjet mban edicionin e 10-të jubilar, është ngjarja më e madhe kinematografike në Kosovë. Datat e PriFest janë 17-22 korrik 2018./ KultPlus.com

Të ngjajshme