Deklarata e William Baldwin në Kosovë se ndihet krenarë me veprimet e NATO-s të udhëhequra nga SHBA-të për të bombarduar Serbinë në vitin 1999 ka bërë rrëmujë mediatike në Serbi, të cilët aktorin Baldwin e kanë quajtur si një aktor pranë pensionimit, dhe sipas tyre, ai ka marr miliona nga Kurti për të qenë pjesë e filmit “Unë dhe Millosheviqi”, vetëm për të prezantuar serbet si kriminelë, përcjellë KultPlus.

Baldwin para se të vinte në sheshxhirim në Kosovë, ai kishte marr pjesë në një serial në Serbi, i cili kishte xhiruar për serialin “Era e Jugut”, ku në medie ai kishte lavdëruar qebabat e Serbisë. Dhe pikërisht kjo deklaratë për qebabat e Serbisë, dhe deklarata e Baldwin për mbështetje të veprimit të NATO-s në Kosovë, ka revoltuar mediet serbe se ai në Serbi është marr me qebaba, kurse në Kosovë me vendime politike.

William BaldWin përgjatë qëndrimit në Kosovë, në intervistë për KultPlus kishte thënë;

“Kam qenë shumë i interesuar dhe kam ndjekur se çfarë po ndodh në politikë. Jam krenar me veprimet e NATO-s, të udhëhequra nga SHBA-ja dhe nëse bëhem i sinqertë mendoj se ka marrë kohë deri sa kanë reaguar. Kam qenë i dëshpëruar sepse kam menduar se do të duhej të ndërhynim më parë”, ka thënë ai.

Ai tutje ka kujtuar edhe kohën kur disa kosovarë pas luftës kanë falënderuar Zotin dhe SHBA-të. Ndërsa, ai tani thotë se është koha që Kosova të bëjë të njëjtën pasi që sipas tij, SHBA tani ndodhet në një rrëmujë.

“Më kanë thënë disa kosovarë pas luftës: ‘Faleminderit Zot dhe SHBA’. Është shumë prekëse. Tani unë them: faleminderit ‘Zot dhe Kosova’, sepse tash jemi ne ata të cilët janë në një rrëmujë. Ejani dhe na ndihmoni”, thotë Baldwin.

KultPlus ju sjell disa nga linqet e medieve të Serbisë në lidhje me reagimin e filmit “Unë dhe Millosheviqi” me skenar dhe regji të Arben Kastratit ku po merr pjesë  Gerard Depardieu, Sir Tony Robinson, William Baldwin, Maria Grazia Cucinotta, Nathalie Boyer, Alessandra Martines, Pamela Bowen…

https://www.novosti.rs/kultura/vesti/1137916/boldvin-trazio-klintona-nas-bombarduje-americki-glumac-zvezda-druge-sezone-serije-juzni-vetar-zaboravio-srpsko-gostoprimstvo

https://www.alo.rs/vesti/politika/653225/uzeli-milione-od-kurtija-da-nas-predstave-kao-zlocince-holivudski-glumci-pred-penzijom-u-propagandnom-filmu-milosevic-i-ja-koji-se-snima-na-kosovu/vest

https://www.republika.rs/zabava/estrada/373566/vilijam-boldvin-u-beogradu-o-srbima-filmovi

https://informer.rs/dzet-set/kultura/721471/vilijam-boldvin-glumac-srbija-pristina-kosovo-metohija-juzni-vetar-serija-film-milos-bikovic

Filmi flet për një periudhë të pas luftës në Kosovë, e tema kryesore ka të bëjë me lindjen e një heroi aksidental./ KultPlus.com