Rikthehet ‘Korça Short Film Festival’, prezantohen 31 filma të shkurtër

9 Korrik, 2021 - 5:27 pm

Në qytetin e bukur të Korçës as këtë vit nuk mund të mungonte festivali i përvitshëm që tashmë është kthyer në një traditë për këtë qytet.

Festivali “Korça Short Film Festival”, këtë vit do të prezantojë për publikun rreth 31 filma të shkurtër që janë përzgjedhur për këtë edicion.

Këtë vit festivali është i ndarë në dy seksione ku pjesa e parë e filmave do të prezantohen gjatë paraditeve në ambientet e teatrit të qytetit A.Z. Çajupi, kurse kategoria tjetër do të shfaqen gjatë pasditeve në ambientet e Muzeut Arkeologjik, transmeton KultPlus.

Nata e parë u mbajt pikërisht në ambientet e Muzeut Arkeologjik në Korçë.

Organizatori i këtij eventi, Gledis Bica është shprehur se “në këtë festival kanë aplikuar rreth 700 produksione nga të cilët, në fund u përzgjodhën për të qenë pjesë vetëm 31 prej tyre. Filmat e përzgjedhur janë kryesisht të zhanerave fiction dhe artistik, ndërsa 4 prej tyre, janë të animuar dhe dokumentar. Risia e edicionit të këtij viti është që edhe publiku vetë do të ketë mundësinë që të bëj përzgjedhjen e tij, si filmi më i preferuar nga publiku”.

Ditën e djeshme janë shfaqur për publikun në seksionin e parë filmat, Don’t sleep, USA; Clear Sky, Rusi; Storgetnya, Francë; East West, Poloni.

Ndërsa në seksionin e dytë, And Then the silence, Francë; Sisters, Slloveni; So that nothing changes, Francë; Shanzai screens, Francë; Filipinana, Filipine. /atsh/ KultPlus.com

Të fundit

Të ngjajshme