Roger Deakins në Festivalin e Filmit Ndërkombëtar të Kinematografëve “Vëllezërit Manaki”

22 Shtator, 2018 - 9:00 pm

Edicioni i 39-të i një prej ngjarjeve më të rëndësishme kulturore në Maqedoni – Festivali i Filmit Ndërkombëtar të Kinematografëve “Vëllezërit Manaki”, do sjellë drejtorin e fotografisë, Roger Deakins, shkruan KultPlus.

Roger Deakins do të jetë në festival të hënën më 24 shtator ku do të mbahet edhe një mastërklasë me të duke filluar nga ora 11:30 dhe hyrja do të jetë falas.

Roger Deakins Alexander, (i lindur më 24 maj 1949) është një kinematograf i njohur për punën e tij në filmat e vëllezërve Coen, Sam Mendes dhe Denis Villeneuve. Deakins është anëtar nderi i Shkollës Kombëtare të Filmit në Buckinghamshire. Në vitin 2013 ai mori një CBE në Buckingham Palace. Fitues i katër çmimeve BAFTA. Ai po ashtu ka marrë katërmbëdhjetë nominime dhe një fitore në Academy Award. Veprat e tij më të njohura përfshijnë The Shawshank Redemption, Fargo, Skyfall, Sicario,dhe Blade Runner 2049, kjo e fundit e cila soli atij çmimin e tij të parë në Academy Award. Ai po ashtu është edhe fitues i çmimit Oscar në vitin 2018.

Festivali i Filmit Ndërkombëtar të Kinematografëve “Vëllezërit Manaki” do të mbahet nga 22 deri më 29 shtator në Maqedoni./ KultPlus.com

Të ngjajshme