“Shpata prej drurit”, një bashkëpunim filmik Kosovë – Turqi, xhirohet në Mitrovicë

25 Qershor, 2018 - 3:40 pm

Kosova dhe Turqia do të realizojnë një projekt filmik, që trajton temë nga lufta e fundit në Kosovë. Kjo u bë e ditur gjatë një takimi që pati aktori Fatmir Spahiu me zyrtarë të Komunës së Mitrovicës.

Ai i njoftoi ata se xhirimet kryesore të filmit “Shpata prej druri”, do të bëhen në qytetin e Mitrovicës.

Aktori Spahiu u prit nga nënkryetari i komunës së Mitrovicës, Faruk Mujka, dhe drejtori i Drejtorisë për Kulturë, Rini dhe Sport, Tafil Peci.

Filmi “Shpata prej Druri”, me skenar të Selman Kiliçaslan dhe me regji të Emre Konuk, trajton temën e një djali nga Krusha e Madhe, i cili i ka prindërit e zhdukur që nga lufta e Kosovës, përcjell Koha.net./ KultPlus.com

Të ngjajshme