“Sikur në duel me Tajsonin, dhe ti e di që ai është boksier më i mirë se ti”

15 Gusht, 2017 - 9:39 pm

Uliks Fehmiu, në një intervistë të fundit për Politikën, ka treguar se sado që ka provuar të jetë aktor i mirë, asnjëherë nuk do të jetë në nivelin e Bekim Fehmiut – babait të tij.

“Fëmijët gjithmonë duan të kalojnë prindërit me sukseset e tyre. Çdo fëmijë e ka një shpirt konkurrues në këtë aspekt. Megjithatë qysh i vogël i kam ditur sukseset dhe aftësitë e Bekim Fehmiut në aktrim” tregon Uliksi, shkruan KultPlus.

Megjithatë ai thotë se e ka ditur se sado që provon të afrohet në kalibrin dhe talentin e babait të tij, kjo do të ishte gjithmonë e pamundur.

“Është sikur të jesh në duel me Tajsonin, boksierin e famshëm. Ti e din që ai është boksier më i mirë, dhe është e parëndësishme sa shumë ke ushtruar ti, kur je afër tij” tregon Uliksi duke krahasuar veten me aktorin e madh që depërtoi edhe në Hollivud – Bekim Fehmiun.
Edhe Uliksi ka kohë që po bën karrierë në teatër dhe në film, me projekte të ndryshme e madje disa prej tyre edhe në Kosovë. / KultPlus.com

Të ngjajshme