Vajzat dhe gratë e Kosovës që shkëlqyen në botë – Kaltrina Krasniqi

8 Mars, 2022 - 7:30 pm

KultPlus ju sjell 25 vajzat dhe gratë e Kosovës që u shndërruan në zërin e vajzave, djemve, grave dhe burrave të Kosovës.

Vajzat dhe gratë e Kosovës po vazhdojnë të shkëlqejnë në fusha të ndryshme, duke shndritë nëpër botë.

Me rastin e 8 Marsit, KultPlus ka përzgjedhë 25 vajza e gra që nëpërmjet fjalimeve, performancës, muzikës, sportit, filmit e biznesit kanë ngritë dhe kanë përfaqësuar vendin në mënyrë dinjitoze, e duke shndërruar Kosovën në një Kosovë të artë, në një Kosovë që synon Oscar, në një Kosovë që me rrëfimet e nxjerra po nga ky vend, i ka treguar botës po për dhimbjen, kurajën dhe guximin e vajzave dhe grave të vendit më të ri në kontinentin e vjetër.

Po këto vajza dhe gra u shndërruan në inspirimin e shumë vajzave, djemve, grave e burrave, të cilët kuptuan se ëndrrat nuk duhet dhe nuk mbeten vetëm ëndrra.

KultPlus iu sjell në vazhdim një nga regjisoret më të sukseshme vitin e kaluar, Kaltrina Krasniqi, e cila me filmin “Vera andrron detin” pati shfaqur premierën madhështore në Festivalin e Venedikut – njërin ndër festivalet më të vjetra dhe rëndësishme të filmit në botë, me ç’rast filmi ka fituar çmimin e ri “Autorë nën 40 vjeç” nga kinemaja “Venezia a Napoli” për regjinë më të mirë.

Filmi kosovar me regji nga Kaltrina Krasniqi dhe skenar nga Doruntina Basha po ashtu fitoi çmimin special të jurisë në Festivalin e Filmit në Selanik.

Gjithashtu, projekti i ri “Belach” nga kineastja kosovare Krasniqi fitoi grantin kryesor për përkrahje zhvillimore të Festivalit të Filmit Arras. / KultPlus.com

Të ngjajshme