Aktorja televizive Denise Dowse vdiq në moshën 64-vjeçare.

Vdekja e aktores u njoftua nga motra e saj Tracey në Instagram.

“Dua ta shfrytëzoj këtë moment për të falënderuar miqtë dhe familjen tonë për të gjithë dashurinë dhe lutjet”, shkroi ajo. “Me zemër shumë të rëndë i informoj të gjithë se motra ime, Denise Dowse, ka shkuar përpara për të takuar familjen tonë në jetën e përjetshme”, shkroi Tracey.

“Denise Yvonne Dowse ishte motra më e mahnitshme, një aktore, mentore dhe regjisore e përkryer, e shquar. Ajo ishte shoqja ime më e mirë dhe anëtarja e fundit e familjes. Denisi ju donte të gjithëve. E di që ajo po na vëzhgon me gjithë dashurinë që ka.”

Vdekja e saj fillimisht u raportua nga TV Line.

Dowse kishte qenë në koma për të paktën një javë pasi pësoi inflamacion në membranat mbrojtëse që rrethonin trurin dhe palcën e saj kurrizore. /KultPlus.com