займ на карту онлайн потребительский кредит

Vdes Rutger Hauer, ylli i “Blade Runner”

25 Korrik, 2019 - 9:02 am

Rutger Hauer, aktori holandez i njohur për rolin e tij si Roy Batty në filmin “Blade Runner”, ka vdekur në moshën 75 vjeçare. Ueb-faqja e tij ka bërë publik lajmin, duke thënë se Hauer ka vdekur të premten “pas një sëmundjeje shumë të shkurtër… Rutger vdiq paqësisht në shtëpinë e tij në Holandë”.

Regjisori Guillermo del Toro ishte në mesin e atyre që ngushëlluan për vdekjen e tij, duke e quajtur atë “një aktor i madh, i thellë, origjinal dhe magnetik që solli të vërtetë, fuqinë dhe bukurinë në filmat e tij”.

Paraqitja e Hauerit si “krijesë bionde artificiale”, Roy Batty, në filmin e Ridley Scott më 1982 mbetet paraqitja e tij më e famshme, ku vetë Hauer kishte shkruar pjesën më të madhe të dialogut për fjalimin e tij të famshëm final, transmeton Koha.net.

Hauer u paraqit në filma klasikë holandezë dhe në blokbasterë holivudianë, sikurse edhe në një varg filmash të kategorisë B, ku kryesisht është paraqitur në role negative.

“Nuk jam shumë i mirë në gjykimin e skenarëve filmikë”, kishte thënë ai më 1994, duke shtuar se sa më pak buxhet që kishte filmi, aq më shumë ata ishin të gatshëm të paguanin atë, shkruan “Reuters”.

Hauer, që çoi jetë të qetë në veri të Holandës kur nuk ishte në Holivud, shfrytëzoi paratë dhe famën e tij për të ndihmuar fëmijët dhe gratë shtatzëna me HIV/Aids përmes organizatës së tij joqeveritare “Starfish Association”.

Regjisori holandez, Paul Verhoeven, që ka bërë pesë filma dhe seri televizive me Hauerin, tha se ka humbur “alter egon time”.

“Për mua ai ishte çfarë Marcello Mastroianni ishte për Fellinin. Kam vetëm kujtime të mira”.

Hauer, funerali i të cilin u zhvillua në Holandë të mërkurën, u paraqit në mbi 100 filma holandezë dhe ndërkombëtarë. Ai fitoi një çmim Golden Globe më 1988 për rolin e tij në filmin “Escape from Sobibor”, shkruan “The Guardian”.

I lindur më 1944 në Breukelen, Hauer shërbeu për një kohë të shkurtë në ushtri si mjek para se të përfundonte trajnimin për aktor. Pasi kompletoi disa filma për Verhoevenin, Hauer ra në sy në Holivud me rolin e tij prej një terroristi brutal në filmin e vitit 1981 “Nighthawks” me Sylvester Stallonen.

Blade Runner, ndonëse një dështim komercial pas lansimit, shpejt u kthye në një film shumë të admiruar kulti, dhe Hauer u bë pjesë edhe e kinemasë holivudiane edhe e asaj evropiane.

Viteve të fundit, puna aktoreske e Hauerit kryesisht u përbë nga filma me buxhet të ulët dhe nga filma kulti, përfshirë “Dracula 3D” të Dario Argentos dhe “Hobo with a Shotgun”.

Ishte i martuar dy herë, me Heidi Merz (nga e cila ishte shkurorëzuar) dhe me Ineke ten Cate, të cilën e ka lënë prapa.

Të ngjajshme