займ на карту онлайн потребительский кредит

Yjet që i refuzuan disa prej roleve më të mëdha të Hollywoodit (FOTO)

Gusht 23, 2017 - 9:00 am

Shumë aktorë hollivudianë kanë refuzuar role, të cilët më pas kanë rezultuar jashtëzakonisht të suksesshëm.

Po ju sjellim më poshtë yjet që i kanë refuzuar rolet që do t’i bënin shumë të pasur dhe akoma më të famshëm.

Jack Nicholson dhe “Godfather”

Veterani i Hollywoodit ka rrëfyer se kishte refuzuar rolin e Michael Corleones në kult-filmin “Godfather”, të cilin më pas e kishte pranuar Al Pacino.
“Asokohe mendoja se indianët duhet të portretizohen nga indianët, kurse italianët nga italianët. Shumë aktorë kanë mundur ta luajnë rolin e Corleones duke më përfshirë edhe mua, mirëpo Al Pacino ishte Michael Corleone i vërtetë”, ka deklaruar Nicholson.

Will Smith dhe “Matrix”

Fansat kanë pasur dëshirë të madhe ta shihnin Will Smithin në rolin e Neos, saqë kishin bërë edhe xhirime me atë në rolin kryesor në “Matrix”.
Megjithatë, Smith e kishte refuzuar rolin duke thënë se thjesht e ka ditur se “Matrix” nuk ishte për të
“E kam parë Keanu (Reeves) në atë rol – dhe rrallë e them këtë – por vetëm do ta kisha prishur”, është shprehur Smith.

Matt LeBlanc dhe “Modern Family”

Matt LeBlanc ka treguar se i ishte ofruar roli i Phil Dunphyt në serialin “Modern Family”, të cilin e kishte refuzuar.
Ky rol pastaj i është besuar aktorit Ty Burrell, i cili falë tij është bërë shumë i suksesshëm. Ai i ka fituar edhe dy çmime Emmy.
Ylli i hit-serisë komike, “Friends”, ka treguar se ofertën e kishte marrë në vitin 2009, kur është anuluar xhirimi i serialit “Joey”.
“Mbaj mend se kur e lexova skenarin mu duk i mirë, mirëpo mendoja se unë nuk isha njeriu i duhur për atë rol”, ka thënë Matt.

Dana Delany dhe “Sex and the City”

Dana Delany ka treguar se ajo kishte marrë ofertë ta luante rolin e të famshmes Carrie Bradshaw në serialin “Sex and the City”.
Rolin ia kishte ofruar miku i saj, Darren Star, por ajo i kishte thënë jo.
Në vend të saj, rolin e pranoi Sarah Jessica Parker dhe pastaj dihet suksesi i jashtëzakonshëm që pasoi. / KultPlus.com

Të ngjajshme