Akademia e Paqes, e para e këtij lloji në Kosovë, do të mbahet në datat 22-25 qershor në Hotel Venus në Prishtinë.

Akademia e Paqes do të sjellë ligjërues/e akademik nga universitetet më të njohura në Evropë dhe Amerikë, siç janë Universiteti i Qytetit të Dublin, Universiteti i Graz, Universiteti i Notingtam, Universiteti i Ruhr Bohum, dhe Universiteti i Kolumbisë. Akademia do të përfshijë diskutime, panele dhe prezantime nga personalitete dhe ekspertë të njohur nga fusha e drejtësisë tranzicionale, reziliences, ruajtjes së paqes dhe ripajtimit.

Hapja zyrtare e Akademisë do të bëhet me 22 qershor, në ora 09:00 në Hotel Venus. 

Nga Youth Initiative for Human Rights Kosovo – YIHR KS ju ftojnë të bashkoheni në këtë ngjarje të veçantë. / KultPlus.com