Aksidentohet një autobus nga Kosova që po udhëtonte në Austri, rreth 20 të lënduar

19 Maj, 2022 - 9:04 am

Të enjten mbrëma ka ndodhur një aksident në autostradën perëndimore pranë Eugendorf në Austri, e sipas informacioneve fillestare janë lënduar rreth 20 njerëz, përcjell KultPlus.

Aksidenti ka ndodhur rreth orës 03:30 mes kryqëzimeve Salzburg-Nord dhe Wallersee (komuna Eugendorf im Flachgau) në drejtim të Vjenës.

Autobusi me rreth 25 pasagjerë dyshohet se u përplas në rrugë me një shufër prej betonit.

“Aktualisht dimë tre të lënduar rëndë dhe 16 të lënduar lehtë”, tha në mëngjes zëdhënësja e Kryqit të Kuq Roberta Thanner. “Aktualisht nuk kemi raporte për viktima.” Të gjithë të lënduarit nga aksidenti u dërguan me ambulancë në Spitalin e Aksidenteve dhe Spitalin Shtetëror në Salzburg. “Tetë persona të cilët ishin të padëmtuar aktualisht po kujdesen nga ekipi i ndërhyrjes në krizë në selinë e qytetit tonë,” tha komandanti i shpëtimit të qarkut Hermann Gerstgraser.

Sipas zëdhënësit të policisë Hans Wolfgruber, autobusi ishte nisur nga Kosova për në Hanover. “Këta janë turistë që janë qartësisht nga Kosova. /KultPlus.com

Të fundit

Të ngjajshme