Ambasadori Hovenier: Ndjehem i nderuar, do të forcojmë edhe më shumë partneritetin Kosovë – SHBA

10 Janar, 2022 - 2:43 pm

Ambasadori i ri i Shteteve të Bashkuara të Amerikës, Jeff Hovenier, ka pranuar sot zyrtarisht detyrën e tij të re, shkruan KultPlus.

Përmes një postimi në llogarinë zyrtare, Hovenier, është shprehur shumë i nderuar që ka dorëzuar kredencialet e tij presidentës së Kosovës, Vjosa Osmanit.

“Jam i nderuar t’i dorëzoj kredencialet e mia Presidentes, Vjosa Osmanim sot si ambasador i re i SHBA-së në Kosovë”, shkroi ai në “Twitter”.

Tutje, Hovenier shtoi se është i përkushtuar për ndërtimin dhe forcimin e partneritetit të qëndrushem ndërmjet Kosovës dhe SHBA-së.

Presidenti, Joe Biden, ka nominuar për ambasador të Kosovës Hovenierin në korrik të vitit të kaluar. /KultPlus.com

Të fundit

Të ngjajshme