займ на карту онлайн потребительский кредит

Andin Hoti: Mjafton loti i nanave për 21 vite, që krimineli Tasiq të dënohej me burg të përjetshëm

3 Dhjetor, 2020 - 2:41 pm

Gjykata e Apelit ia ka përgjysmuar dënimin prej 22 vjetësh që kishte marrë Gjykata Themelore në Prizren në 11 vjet kriminelit të luftës në Kosovë, Darko Tasiq.

Të irrituar nga ky vendim krushjanët, familjarë të viktimave të Tasiq, kanë protestuar sot kundër këtij vendimi.

Andin Hoti, djali i Ukshin Hotit, ka reaguar sot përmes një statusi në Facebook, duke u shprehur se gjenocidi nuk falet.

Ky është statusi i tij i plotë:

KRIMI NUK FALET!

– Gjenocidi NUK falet!

– Vrasjet e fëmijëve, grave, pleqve e burrave NUK falen!

– Djegia e trupave dhe hudhja në lumë NUK falen!

– Djegia e shtëpive NUK falet!

“Dëshmitarët kanë dëshmuar se ata panë Tasic dhe babanë e tij duke drejtuar një kamion portokalli që mbante trupa të pajetë, duke i vënë flakën dhe duke e shtyrë atë në Lumin Drini pas masakrës në Krusha e Vogel / Mala Krusha në Mars 1999”

Mjafton loti i atyre nanave për 21 vite me radhë, që Krimineli Darko Tasic të dënohej me burg të përjetshëm! Lëre më krimet e dëshmuara të tij, ndaj familjarëve të ktyre nanave!

Në foto 1 më 1998: Ragip Hoti (axha Dëshmor), Andin Hoti, Sejfullah Sejfullahu

Në foto 2 më 03 Dhjetor 2020: Fatos Malsori (djali i Dëshmorit Muhamet Malsori), Andin Hoti, Sejfullah Sejfullahu, Etrit Hoti (djali i Dëshmorit Ragip Hoti) / KultPlus.com

Të ngjajshme