Kryeshefi ekzekutiv i Agjencisë së Statistikave të Kosovës, Avni Kastrati, ka bërë të ditur në bazë të ditëve të fundit të mbarimit të procesit, edhe shtesa që ka qenë, pritet janë që Kosova t’i ketë rreth 1.6 milionë banorë dhe se të dhënat preliminare pritet të publikohen në fillimin e muajit korrik.

“ASK-ja ka kohë të publikojë të dhënat paraprakë, preliminare, në fund të muajit gisht, ne do të mundohemi që të dhënat të jenë më herët edhe propozimi i parë që jemi dakorduar pritet që të dhënat paraprake të publikohen në fillimin e muajit korrik. Por në bazë të ditëve të fundit të mbarimit të procesit, edhe shtesa që ka qenë, pritet janë që Kosova t’i ketë rreth 1.6 milionë banorë”, ka thënë Kastrati të hënën.

Ai ka thënë se të dhënat finale duke u bazuar në praktikat e mëhershme, publikohen një vjet deri në 15 muaj pas datës së regjistrimit, kurse këtë herë po planifikojnë t’i publikojnë pas gjashtë muajve.

Sipas Kastratit, pjesëmarrja e komuniteteve ka qenë masive dhe e hapur, përveç komunitetit serb në katër komunat veriore, ku pjesëmarrja ka qenë vetëm pjesërisht dhe jo në mënyrë masive.

“Pjesëmarrësja e komuniteteve, në përgjithësi shumica prej tyre kanë qenë të hapura dhe në favor të regjistrimit të popullsisë, andaj pjesëmarrja e tyre ka qenë masive e të gjitha komuniteteve përveç komunitetit serb në katër komunat e veriut që pjesërisht ka marrë pjesë në regjistrim por jo në mënyrë masive, pra të gjitha komunitetet kanë pjesë në regjistrim përveç komunitetit serb ne veri që kanë hezituar”, ka deklaruar ai./KultPlus.com