Kosova ka arritur një tjetër sukses të madh në E-Sports, këtë herë skuadra e “Bad News Eagles” ka siguruar tri fitore radhazi, për t’u kualifikuar më tej në “Legends Stage”, në turneun më të madh në botë në lojën Counter-Strike, shkruan KultPlus.

Në ndeshjen e fundit, BNE u përballën kundër GamerLegion, duke fituar me lehtësi dhe kësisoj duke siguruar kualifikimin tutje.

Me këtë fitore, Bad News Eagles i janë bashkuar skuadrave që kanë siguruar më herët pjesëmarrjen në fazën e ‘Legends Stage’.

“Major Tournament”, në të cilin merr pjesë skuadra shqiptare, është eventi më i madh i organizuar për sa i përket CS:GO, ku skuadrat konkurrojnë për një çmim prej 1.2 milionë dollarësh në Rio de Zhaneiro të Brazilit. /KultPlus.com