Biblioteka Kombëtare e Kosovës “Pjetër Bogdani” ka njoftuar se gjatë muajit korrik dhe gusht do t’i ketë dyert e hapura për mërgimtarët që vizitojnë atdheun. Sipas BKK-së do të organizohen një sërë aktivitetesh kulturore dhe vizita të organizuara për të gjithë mërgimtarët e interesuar.

“Na vizitoni dhe bashkohuni në aktivitete kulturore, vizita të organizuara në hapësirat e bibliotekës, bibliotekën personale të Hasan e Esad Mekulit, të Adem Demaçit dhe Fehmi Aganit”, thuhet në njoftimin e BKK.

Përmes këtij njoftimi, poashtu është bërë e ditur së gjatë këtyre dy muajve është zgjatur orari i punës deri në orën 21:00./ KultPlus.com