BIK varros gruan serbe, Ahmeti: Në fund humaniteti është më i rëndësishmi

12 Dhjetor, 2020 - 8:10 pm

Kryetari i Komunës së Prishtinës nëpërmjet një shkrimi ka bërë të ditur për varrosjen e një gruaje serbe, shkruan KultPlus.

Ajo qëndronte në Shtëpinë e Pleqve, teksa kur vdiq askush, duke përfshirë edhe institucionet e fesë së cilës i përkiste nuk e varrosi. Ndërkaq, sipas Ahmetit, Bashkësia Islame e Kosovës morri përsipër varrimin e saj.

KultPlus ua sjell të plotë reagimin e Ahmetit:

Sot ka ndërruar jetë një qytetare e moshuar e nacionalitetit serb në Shtëpinë e Pleqve. Ishte vetë dhe nuk paska pas askënd. Për arsye te pasqaruara, nuk kishte askush për ta varrosur përfshi edhe institucionet fetare të cilave i përkiste. Se bashku me Bashkësinë Islame organizuam varrimin. Dua që publikisht ta falenderoj Bashkësinë Islame për gjithë organizimin. Në fund humaniteti – njerzillaku është më i rëndësishmi. / KultPlus.com

Të ngjajshme