Bryan Adams del pozitiv me Covid për herë të dytë brenda një muaji

25 Nëntor, 2021 - 11:50 pm

Këngëtari i njohur, Bryan Adams ka rezultuar pozitiv me COVID-19, sapo mbërriti në Aeroportin Malpensa të Milanos, në Itali.

Lajmin e ka bërë të ditur vetë ai përmes një postimi në Instagram, ku shihet teksa po bën testin në një dhomë.

“Sapo arrita në Milano dhe dola pozitiv për herë të dytë brenda një muaji, për COVID-19”, ka shkruar Adams, duke falënderuar me këtë rast fansat për mbështetjen që i kanë ofruar.

Adams i cili ka edhe karrierë si fotograf, ka bërë fotografitë për kalendarin Pirelli të vitit 2022, pasi paraprakisht ishte angazhuar për të kryer setin e fotografive për kalendarin e vitit 2021, i cili ishte anuluar për shkak të pandemisë.

Këngëtari pritej që të paraqitej para mediave për ta promovuar kalendarin, mirëpo tani nuk dihet nëse kjo do të ndodhë./KultPlus.com

Të ngjajshme