Çeku zhvillon takim me ambasadorin Hovenier, diskutohet për zgjerim të bashkëpunimit

8 Mars, 2022 - 3:37 pm

Ministri i Kulturës, Rinisë dhe Sportit, Hajrulla Çeku, ka zhvilluar një takim me ambasadorin e Shteteve të Bashkuara të Amerikës në Kosovë, Jeffrey M. Hovenier, shkruan KultPlus.

Përmes një postimi në “Facebook”, Çeku ka treguar se është biseduar për partneritetin e deritanishëm dhe zgjerimin e bashkëpunimit mes Kosovës dhe SHBA-ve.

Postimi i tij i plotë:

“Sot kisha kënaqësinë të pres në takim Ambasadorin e Shteteve të Bashkuara të Amerikës në Kosovë, Jeffrey M. Hovenier.Bashkë kemi diskutuar për partneritetin e deritanishëm dhe zgjerimin e bashkëpunimit mes nesh, për projektet e përbashkëta në kulturë, rini, trashëgimi kulturore e sport. Përherë falënderues për punën dhe përkushtimin e Shteteve të Bashkuara në zhvillimin e vendit tonë dhe mirëpres fillimin e bashkëpunimit me Ambasadorin Hovenier për të thelluar angazhimin tonë të përbashkët në zhvillimin kulturor të vendit tonë”.

Hovenier ka zhvilluar takime edhe me ministrat e tjerë të Qeverisë së Kosovës këto ditët e fundit. /KultPlus.com

Të ngjajshme