DASH feston 230 vjetorin, nderonë Shqipërinë me fotografinë e John Kerryt përpara statujës së Skënderbeut

23 Gusht, 2019 - 11:00 am

Ambasada e ShBA-së në Tiranë ka njoftuar se këtë vit DASH do të festojë 230 vjetorin me një aktivitet të madh në mbarë botën, ndër të tjera edhe në Shqipëri dhe Kosovë, përcjellë KultPlus.

“Këtë vit, ne festojmë 230 vjetorin e Departamentit të Shtetit. Për më shumë se dy shekuj, Ambasadat, Konsullatat dhe diplomatët tanë në mbarë botën, kanë forcuar partneritetet dhe miqësitë tona, si dhe kanë nxitur zhvillim ekonomik botëror”, thuhet në postimin e Ambasadës së ShBA-së në Shqipëri.

Në shenjë miqësie, Ambasada e ShBA-së ka postuar foto të ish-Sekretari Amerikan të Shtetit, John Kerry me trupat e marinsave përpara statujës së Skënderbeut.

“Përgjatë këtij viti, ne do të postojmë foto historike që përfaqësojnë diplomacinë e Shteteve të Bashkuara dhe miqësinë midis Shteteve të Bashkuara të Amerikës dhe Shqipërisë. Në këtë foto, Sekretari i Shtetit John Kerry pozon me trupën e marinsave të Ambasadës Amerikane, përpara statujës së Skënderbeut, në Muzeun Kombëtar të Historisë në Tiranë”, thuhet tutje në njoftim. / KultPlus.com

Të fundit

Të ngjajshme