‘Dhunuesi je ti!’

6 Janar, 2020 - 5:08 pm

Himni i performancës “Dhunuesi je ti!”

Gjykata osht’ shteti
Shteti patriarkal
Që na dhunon neve
Fajtor jo nuk ka

Gjykata osht’ kapitali
Kapitali mbi gjithçka
Që na shfrytëzon neve
Barazi jo nuk ka

Osht’ femicid
1 në 5 gra
Osht’ kërcënim
Osht’ përdhunim

Faji s’u kon’ i jemi, as ku jom kon’, as çka kom pas’ veshë [x4]

Dhunusi je ti! [x2]

Osht’ Policia,
Osht’ Gjykata,
Osht’ Parlamenti,
E osht’ krejt’ Shteti [x4]

Shteti patriarkal osht’ dhunusi jem [x4]

Dhunusi je ti! [x2]

Ti gru’ e dhunume
E qetë s’munesh me flejtë,
Ti je e dënume
Veç pse je gru’.

Shteti patriarkal osht’ dhunusi jem [x4]

Dhunusi je ti! [x2]

Ti po dhunohesh,
Ti po vrahesh,
Ti as n’shpi
S’je e sigurt!

E faji s’u kon’ i jemi, as ku jom kon’, as çka kom pas’ veshë [x4]

Dhunusi je ti! [x4]

Himni feminist “Dhunuesi je ti” apo “Një dhunues në rrugën tonde” i grupit ‘Las tesis’ nga Kili asht protestë dhe përpjekje për të ngritë vetëdijen kundër dhunës ndaj grave.

Dhuna ndaj grave në çdo formë asht’ cënimi ma i madh që po u bahet grave dhe mundësisë që ato me jetu të lira dhe me prosperitet, ashtu siҫ garanohet me çdo të drejtë të njeriut. Të drejtat e grave, githandej në botë, vazhdojnë me u cënu. Gratë po vriten çdo ditë si pasojë e nji sistemi shtypës social e shtetëror që po e legjitimon këtë shtypje.

Në Kosovë, vetëm gjatë tri viteve të fundit (janar 2017- tetor 2019) janë vrarë 11 gra si pasojë e dhunës në familje. Gratë po vazhdojnë të vriten sot e kësaj dite! Në këtë periudhë ka pasur 3394 gra që kanë raportuar dhunën. Edhe pse numri i raportimeve të dhunës vazhdon të rritet, mbetet i ulët në krahasim me dhunën që nuk raportohet.

Në Kosovë, por edhe kudo në botë, dhuna vazhdon të mos njihet në të gjitha format e saj. E kujtojmë që dhuna seksuale, emocionale, ekonomike e fizike që ushtrohet ndaj grave normalizohet nga shoqëria dhe shteti ynë cdo ditë. Viktimat vazhdojnë të fajësohen e dhunuesit nuk dënohen!

Me fjalët “Dhunuesi je ti!” ne i drejtohemi institucioneve tona që shtypin e dhunojnë gratë, si ato shtetërore e shoqërore. Me këtë thirrje, ne i bashkangjitemi zërit të grave gjithandej globit në përpjekje për t’u dëgjuar si një zë i fuqishëm që kundërshton një jetë me dhunë në çdo formë.

Prandaj, ne, ÇIKAT DHE GRATË E KOSOVËS po mbledhemi e po e performojmë këtë kangë bashkë! Po e protestojmë ҫdo institucion që ka dhunu e përdhunu gratë për së dyti kur s’kanë ofru ndihmë e drejtësi e që vazhdojnë me bo të njejtën sot e kësaj dite!

Sa ma shumë prej zërave tonë, aq ma shumë jehonë. Jehonë për barazi e drejtësi!

Kështu që hajdeni çika e gra prej cilitdo qytet e katun, prej cilësdo fushë, prej shpisë a punës, thujeni me zonin e ju’j përmes kësaj kange! Shteti shtypës asht’ dhunus!

Sqarim: Kjo iniciativë është ndërmarrë nga aktivistë të cilët janë bashkuar përmes faqes “Dhunuesi je ti”.

Faqja “Dhunuesi je ti” është kriju për me e koordinu performancën e himnit global feminist “Një dhunues në rrugën tonde” në Prishtinë.

Të ngjajshme