Dizajneri kosovar Albian Gagica ka fituar dy çmime ekselencë në dy kategori të ndryshme në “The Annual CADC Awards Show”, shkruan KultPlus.

“Jam i nderuar që kam marrë 2 Çmime Ekselence në 2 kategori të ndryshme në CADC Annual Design Awards”, ka shkruar Gagica në rrjetin e tij social në “Instagram”.

Dy çmimet që ai ka fituar kanë të bëjnë me “branding” për ekipin e çiklizmit para-olimpik të Polonisë dhe dizajnin e paketave për cokollatat Amel.

Shfaqja Vjetore e Çmimeve CADC nderon përsosmërinë në 8 kategori kryesore: reklama, dizajn mjedisor, dizajn grafik, ilustrim, online/interaktiv, fotografi, student dhe video. /KultPlus.com