Këngëtarja kosovare me famë botërore, Dua Lipa ka prezantuar edhe një herë koleksionin e markës “Pepe Jeans London”, shkruan KultPlus.

Dua e cila duket fantatsike nën rrobat e kësaj marke, ka treguar se ndjehet krenare që prezanton për herë të tretë dhe të fundit për këtë markë.

“Ka qenë kaq interesante dhe argëtuese të mësosh rreth dizajnimit me një markë kaq ikonike të Londrës, e cila filloi nga e para në një tezgë në tregun e Portobello në vitet 1970”, ka vazhduar ylli i muzikës pop, Lipa.

Poashtu, ajo ka theksuar se ka vendosur të bashkëpunoj me koleksionin “Denim Decades”, e cila sipas saj ka stile të frymëzuara nga cdo dekadë që kur Pepe filloj shitjen.

Lajmin e bëri të ditur këngëtarja përmes postimeve në rrjetet e saj sociale, ku dukja e saj e mahnitshme është komentuar vazhdimisht nga fansat e këngëtares.

Dua Lipa është shprehur se mezi pret ta sheh kombinimin e publikut me këtë markë. / KultPlus.com

https://www.facebook.com/DuaLipa/videos/1071675106635745/