Francezi nxjerr Ferrarin në ankand pasi e kishte braktisur për 46 vjet shkaku i gjobave

10 Dhjetor, 2020 - 3:48 pm

Në një fshat të Montpelier në Francë, pas një porte druri ku pret të gjesh vetëm hekurishte ose një traktor të vjetër, është gjetur një Ferrari i rrallë. Bëhet fjalë për një Ferrari 330 GT 2+2 i vitit 1966, që ishte braktisur nga pronari i saj.

Por, si mundet që të lësh pas dore një makinë të tillë, që për kohën ishte tregues i statusit të lartë shoqëror? Gjithçka nisi më 1974, kur u shtrënguan rregullat për kufirin e shpejtësisë në Francë.

Pronari i saj nisi të merrte shumë gjoba dhe për këtë arsye, vendosi që ta çojë makinën në shtëpinë e tij të dytë dhe të mos kujtohet më për të.

Në fund të viteve ’70, ai ia dha makinën njërit prej djemve të tij, por duke qenë se ky Ferrari kishte nevojë për shumë shërbime dhe djali nuk kishte shumë kohë që të merrej me të, e la makinën po aty ku e kishte lënë edhe i ati.

Edhe pse sot është i mbuluar nga pluhuri dhe i ka dalë ngjyra, ky mjet klasik e ka motorin në gjendje të mirë, kështu që mund të shihet sërish në rrugë.

Pronari i tij e ka nxjerrë në ankand dhe më 17 dhjetor pritet që të shitet 150 ose 200 mijë euro. \ a2news/ KultPlus.com

Të fundit

Të ngjajshme