Një aktore e njohur iraniane ka postuar një imazh të saj në Instagram pa shami për të sinjalizuar solidaritetin me demonstratat antiqeveritare, transmeton KultPlus.

Taraneh Alidoosti – e njohur më së shumti për rolin e saj në filmin fitues të Oskarit “The Salesman” – mbante gjithashtu një tabelë ku shkruhej “Gruaja, Jeta, Liria” në gjuhën kurde.

Slogani është bërë një thirrje e zakonshme tubimi mes protestuesve, shkruan BBC.

Demonstratat e nxitura nga vdekja e Mahsa Amini në paraburgim po hyjnë në javën e shtatë.

22-vjeçarja vdiq pasi u arrestua nga policia e moralit në Teheran për dyshimin se kishte shkelur rregullat strikte të Iranit që kërkonin që gratë të mbulonin flokët me një hixhab ose shami islamike. /KultPlus.com