Hapet ekspozita “Mati në dokumentet e Arkivit Qendror Shtetëror”

7 Maj, 2022 - 10:01 pm

Drejtoria e Përgjithshme e Arkivave në bashkëpunim me Bashkinë e Matit prezantoi sot ekspozitën “Mati në dokumentet e Arkivit Qendror Shtetëror”.

Me rastin e 100-vjetorit të caktimit të Burrelit si qendër administrative e krahinës së Matit, DPA-ja ka shfaqur për publikun materiale arkivore me datë origjine që prej 1920-1944, foto të qytetit dhe të godinave të institucioneve lokale. Të pranishëm në aktivitet ishin drejtoresha e Komunikimit në DPA, Elsa Saka, drejtori i Trajnimeve dhe i Inspektimeve në DPA, Endrit Musaj, si edhe kryebashkiaku i Matit, Agron Malaj.

Mes dokumenteve të përzgjedhura për ekspozim, qenë vendimi me vlerë administrative për Burrelin, përshëndetja e shpalljes së Monarkisë prej Pleqësisë së katundeve, pamje nga festimet e zyrtarizimit të Mbretërisë etj.

Promovimi i pasurisë dokumentare të kombit është një nga pikërendesat në veprimtarinë e DPA-së. /KultPlus.com

Të fundit

Të ngjajshme