Hapet uebfaqja për të aplikuar për 100 eurot për punëtorët e sektorit privat

21 Prill, 2022 - 10:44 am

Është hapur uebfaqja në kuadër të Administratës Tatimore të Kosovës për të aplikuar punëtorët e sektorit privat për të përfituar nga 100 euro, në kuadër të pakos së fundit të Qeverisë.

Ditë më parë, Qeveria e Kosovës vendosi për të ndarë mbi 100 milionë euro. Nga 100 euro janë ndarë për ata që përfitojnë nga skemat sociale, për punëtorët e sektorit publik dhe ata të sektorit privat.

Pensionistët tashmë kanë marrë shtesat, ndërsa sektori publik do t’i marrë me shtesën e muajit të ardhshëm.

Klikoni KËTU për të aplikuar. 

Ministria e Financave ka thënë se kusht për kualifikim për të marrë 100 eurot shtesë është që punëtori të jetë i deklaruar si i punësuar në periudhën tatimore shkurt 2022. Ndërkaq për ata të deklaruar si punëtorë në mars, mund të aplikojnë mirëpo subvencionin do të mund ta përfitojnë vetëm pasi të jenë deklaruar edhe për periudhat tatimore prill dhe maj, që nënkupton se subvencionin do të mund ta marrin në fund të muajit qershor 2022.

Aplikimi për mbështetje nga kjo masë do të jetë i hapur nga data 21 prill deri më 20 maj 2022. / KultPlus.com

Të fundit

Të ngjajshme