Është zhvilluar një takim lamtumirës mes oficerit të lartë ukrainas të NATO-s në Kosovë dhe ambasadorit amerikan në Kosovë, Jeffrey Hovenier, shkruan KultPlus.

Hovenier u dha lamtumirën ushtarëve ukrainas dhe shprehu mirënjohjen për angazhimin e tyre në misionin e NATO-s në Kosovë.

“I uroj atyre më të mirën, ndërsa shkojnë në shtëpi për të mbrojtur vendin e tyre nga lufta brutale e Kremlinit. #QëndroniMeUkrainë”, ka shkruar Hovenier.

Që nga fillimi i konfliktit në Ukrainë, ka pasur diskutime për tërheqjen e trupave ukrainase nga Kosova për të luftuar me ushtrinë ukrainase kundër pushtimit rus. /KultPlus.com