Ideatori i shtetit të Çamërisë, që merrte shembull pavarësinë e Kosovës, gjendet i vrarë në Holandë

21 Korrik, 2019 - 5:57 pm

Pamje nga vendi ku i gjet i vrarë presidenti i vetshpallur i Çamërisë Festim Lato

Mediat holandeze kanë shkruar për vrasjen e presidentit të vetshpallur të Çamërisë Festim Lato.

Siç shkruan “omroepgelderland.nl”, Lato është gjetur i vdekur të shtunën pasdite në Nieuwe Ubbergseëeg në Nijmegen.

“Njeriu i lindur në Shqipëri kishte pas vetes një ushtri kreditorësh. Festim Lato u raportua i humbur nga familja e tij javën e kaluar. Trupi i tij u gjet në rrugë në Nijmegen të shtunën pasdite. Policia ende po heton për të zbardhur rastin”, shkruan media holandeze.

Image
Festim Lato

“Gjatë viteve të fundit, Lato ka qëndruar në një shtëpi të largët në Afferden, në komunën e Betuwe. Në shtëpinë ku jetonte ai, fluturojnë flamujt e Holandës, Shteteve të Bashkuara dhe Çamërisë, një rajon në kufirin e Shqipërisë dhe Greqisë që po përpiqet për pavarësi. Lato e kishte shpallur veten president të këtij rajoni”, shkruan më tej media.

Image
Në shtëpinë ky jetonte Lato, valviten flamujt e Holandës, SHBA-ve dhe Çamërisë

Zandberg është i tronditur nga vdekja e shqiptarit. “Ishte një njeri simpatik me një bisedë të qetë”, thotë ai.

Si një president i vetëshpallur, Lato rregullisht kishte paraqitje publike, siç ishte në Parlamentin Europian në Bruksel dhe në demonstrata të ndryshme për pavarësi më të madhe.

“Ai e kishte marr shembull Kosovën në një intervistë me Elsevier Weekblad vitin e kaluar. “Në vitin 2008, Kosova shpalli pavarësinë nga Serbia”, shkruan më tej media holandeze.

Image

Pamje nga vendi ku i gjet i vrarë presidenti i vetshpallur i Çamërisë Festim LatoFOTO GALERI

“Përveçse ishte president, Lato ishte gjithashtu trajner i kombëtares së futbollit të Çamërisë. Në vitin 2017, ajo skuadër në Hagë fitoi finalen e turneut për Kupën Botërore të UNPO, një turne për vendet dhe rajonet jo të njohura”, përfundon shkrimin “omroepgelderland. /BotaSot/ KultPlus.com

Të fundit

Të ngjajshme