Indiani i cili udhëtoi në këmbë në 42 shtete ndalet në Shqipëri, arsyeja është Nëna Terezë

3 Janar, 2021 - 11:50 pm

Nitin Sonawane, i riu nga India ka zgjedhur një mënyrë të veçantë për të festuar 150-vjetorin e Mahatma Gandhi duke udhëtuar në këmbë deri tani në 42 shtete.

Ndalesa e tij e radhës ishte Shqipëria, dhe i riu ka mbërritur në Sarandë. Vetë indiani Nitin e quan një marshim për paqen që ai e nisi nga India.

“Po udhëtoj në këmbë përreth botës për të festuar 150 vjetorin e Mahatma Gandhi. Arsyeja përse jam këtu ka të bëjë me shqiptarët, konkretisht me gruan e veçantë, Nënë Tereza e cila shërbeu në Indi. Unë kam udhëtuar në 42 shtete. Sot jam në Sarandë dhe më pas do të udhëtoj për në Tiranë, dua të takohem edhe me Presidentin”, ka thënë Nitin.

Nitin ecën për rreth 6-9 orë duke përshkuar rreth 30 km çdo ditë në këmbë. Qëllimi i udhëtimit të tij është njohja me traditat e vendeve ku udhëton dhe përcjellja e mesazhit të Mahadma Ghandi, “të shohim paqen tek njeri-tjetri.” /dp/ KultPlus.com

Të ngjajshme