Jahjaga: Gjurgjialo, gruaja që punon plisin tash e 35 vjet

21 Tetor, 2021 - 2:26 pm

Ish presidentja e Kosovës Atifete Jahjaga tash e sa kohë po viziton bizneset që udhëhiqen nga gratë, shkruan KultPlus.

Ajo së fundi ka vizituar punëtorinë e Ergyle Gjurgjialo në Prizren, e cila është një ndër gratë e pakta në Kosovë që e punojnë plisin.

Përgjatë vizitës, Jahjaga ka vënë një plis në kokë, përderisa ka parë nga afër zhvillimet e këtij biznesi.

KultPlus më poshtë ju sjell postimin e plotë të Jahjagës.

Znj. Ergyle Gjurgjialo tradicionalen e ka në zemër! Me plis në kokë e me sofër shtruat ashtu si e do rendi tek shqiptarët na priti në punëtorinë e saj në Prizren.

Si një ndër gratë e pakta e thuajse e vetmja në Kosovë, ajo tashmë 35 vite punon plisin – kapelen identifikuese të shqiptarëve ndër shekuj.

Ergylja kjo trimëresh, nuk ndalet as edhe një ditë së punuari plisin, me fanatizëm e shumë dashuri, në mënyrë që tradita jonë të mbetet gjallë./ KultPlus.com

Të fundit

Të ngjajshme