Ka vdekur profesori Iljaz Sina, doajeni i futbollit shqiptar.

Ministria e Kulturës, Rinisë dhe Sportit i ka shprehur ngushëllime të thella familjarëve, miqve dhe bashkëpunëtorëve të profesor Sinës.

“Me dhimbje të madhe pranuam lajmin për ndarjen nga jeta të profesor Iljaz Sina, doajenit të futbollit kosovar.

Në vitet e tij si trajner, Iljaz Sina bëri histori për KF Vëllaznimi, duke lënë gjurmë edhe në klubet e kryeqytetit. Sina gjithashtu do të mbahet mend për angazhimin si pedagog, duke edukuar gjeneratat e reja të futbollistëve dhe trajnerëve.

Kontributi i tij në zhvillimin e futbollit dhe përkushtimi ndaj sportit do të kujtohen gjithmonë”, shkruan nga MKRS. / KultPlus.com