Kampionia e botës, Sophie Sorschag, do të “fluturojë” për Kosovën

19 Janar, 2023 - 11:36 pm

Komiteti Olimpik i Kosovës njofton se kampionia e botës, Sophie Sorschag, do ta përfaqësojë Kosovën në garat ndërkombëtare, shkruan KultPlus.

Këtë lajm e ka bërë të ditur Federata Skitare e Kosovës.

Postimi i plotë nga KOK:

“Kampionia e botës, Sophie Sorschag, do të “fluturojë” për Kosovë.

Një lajm i bujshëm ka ardhur nga Federata Skitare e Kosovës (FSK).

FSK ka arritur marrëveshje me skitaren e kërcimeve me ski, Sophie Sorschag, e cila Tani e tutje do ta përfaqësojë Kosovën në garat ndërkombëtare.

24-vjeçarja është kampione bote me Austrinë në ekipore për vitin 2021, ndërsa vitin e kaluar mori pjesë në Lojërat Olimpike Dimërore Pekin 2022.

Marrëveshja mes drejtuesve të FSK-së, kryetarit Milaim Kelmendi e nënkryetarit Bujar Turjaka dhe ekipit të Sorschag, u arrit sot në Ljubljanë të Sllovenisë.

I urojmë shumë fat e suksese Sorschagut në fanellën e Kosovës”, thuhet në postimin e tyre. /KultPlus.com

Të fundit

Të ngjajshme