Kievi publikon listën e rusëve të zënë rob, iu bën thirrje nënave të tyre të vijnë t’i marrin

4 Mars, 2022 - 7:30 pm

Këshilltari i ministrit të Brendshëm të Ukrainës, Anton Geraschenko publikoi në rrjetin social Facebook, listën e ushtarëve rusë të kapur rob nga ushtria ukrainase.

Dosja përmban të dhënat personale, gradën dhe origjinën e çdo ushtari. Për momentin lista përmban 116 emra.

“Po publikoj listën e parë të robërve të luftës të ushtrisë ruse. Do të ketë edhe shumë lista të tjera të tilla, si dhe listat e ushtarëve të vdekur. Dhe faji për gjithë këtë është i Putinit. Nënat e Rusisë, ejani në Kiev dhe merrni fëmijët tuaj”, shkruan Gerashchenko në Facebook.

“Pas ferrit që ata mbijetuan duke pushtuar tokën tonë, ne e dimë me siguri se asnjëri prej tyre nuk do të ngrejë gishtin kundër Ukrainës!

Kërkoj nga ju që t’ia përcillni këtë informacion mijëra nënave fatkeqe, ruse, bijtë e të cilave u kapën në Ukrainë”, tha tutje ai. / KultPlus.com

Të ngjajshme