Kisha e Shën Mërisë në Dropull, xhevahir i trashëgimisë kulturore

8 Prill, 2021 - 3:30 pm

Kryeministri Edi Rama vizitoi sot kishën e Shën Mërisë të Peshkëpisë së Sipërme në Dropull, një xhevahir i trashëgimisë sonë kulturore, shpëtuar nga rrënimi degradues dhe sot e rilindur plotësisht dhe e kthyer në një arsye më shumë për ta vizituar këtë zonë mahnitëse të Gjirokastrës.

I shoqëruar nga ish-ministrja e Kulturës, Mirela Kumbaro, Rama vizitoi nga afër mjediset e kësaj kishe dhe u njoh me procesin e restaurimit.

Kumbaro tha se “kjo është një nga kishat më të vjetra në rajon, në mos më e vjetra dhe ishte pothuajse gjysmë e rrënuar”.

“Përdorej më shumë si strehë nga njerëz të ndryshëm që edhe në periudhën e tranzicionit kalonin kufirin në mënyrë ilegale. Rruga nuk ka qenë dhe ishte një zonë shumë e vështirë për tu asistuar”, tha Kumbaro.

Ajo theksoi se kisha ishte e tëra e krisur dhe kemi bërë projektin me shumë detaje, me një kontribut shumë të madh të profesor Aleksandër Meksit dhe Piro Thomos, që kanë lënë gjurmët e tyre në këtë restaurim.

“Kisha ishte komplet e krisur dhe u restaurua e gjitha edhe ikonat murale. Nëse në kishat e tjera bizantine ose pas bizantine i kemi me ikonastas me elementë druri dhe me piktura murale këtu janë gurët si elementë të parë të përdorur. Kemi po ashtu restaurim të jashtëm të gjithë oborrit. Për zonën dhe për gjithë Dropullin kjo është një nga kishat më të rëndësishme”, tha Kumbaro. /atsh / KultPlus.com

Të fundit

Të ngjajshme