Kryetari Muhaxheri përgëzon Mrika Nikqin për përmbylljen e suksesshme të projektit Mrika Seven Summits

Kryetari i Komunës së Pejës, Gazmend Muhaxheri me bashkëpunëtorë priti në takim Mrika e Arianit Nikçin me qëllim të përgëzimit për suksesin e tyre në realizimin e projektit të madh në pushtimin e 7 majave më të larta të botës duke e realizuar misionin “Mrika Seven Summits”, ku Mrika bëhet femra e parë në botë e cila në moshën 17 vjeçare e arrin këtë rekord botëror.

“Në emër të qytetarëve të Komunës se Pejës dhe në emrin tim ju përgëzoj për suksesin e arritur dhe ju inkurajojmë për një të ardhme më të ndritur për juve, sepse forca, guximi dhe kurajo e keni dëshmuar se nuk ju mungojnë, prandaj jam i bindur qe as sukseset në karrierën tuaj nuk do të ju mungojnë. Ju fillimisht e keni bërë krenare veten tuaj, familjen tuaj por i keni bërë krenar te gjithë qytetaret e Pejës dhe të Kosovës, prandaj edhe njëherë ju përgëzojmë” tha mes tjerash Muhaxheri.

“Duam të shfrytëzojmë rastin t’i falënderojmë të gjithë ata që na përkrahën në çfarëdo forme në realizimin e këtij misioni” u shprehën Mrika e Arianit Nikçi. / KultPlus.com