Kumbaro në konferencën e OKB-së: Shqipëria e fokusuar në mbrojtjen e mjedisit

7 Tetor, 2022 - 11:00 am

Ministrja e Turizmit dhe Mjedisit, Mirela Kumbaro mori pjesë në konferencën ministrore për mjedisin nga Organizata e Kombeve të Bashkuara ku drejtoi panelin e “Turizmit të Qëndrueshëm dhe Ekonomisë Qarkulluese”.

Kumbaro ndau në rrjetet sociale momente nga kjo konferencë, që u zhvillua në Qipro, Greqi nga 5-7 tetor, ndërsa theksoi se “më së miri Shqipëria përfaqëson bashkimin e mbrojtjes së mjedisit dhe zhvillimit të turizmit me ritmin më të shpejtë të rikuperimit pas pandemisë në Evropë, siç konfirmoi edhe raporti i fundit nga UNWTO”.

“Të gjitha vendet duhet ta rishpikin qasjen e tyre të zhvillimit turistik nën ekonominë qarkulluese, e cila kërkon një filozofi të re, ndryshim mentaliteti, punë të jashtëzakonshme edukuese e arsimore dhe kemi nisur ta bëjmë”, tha Kumbaro.

Vitet e fundit turizmi shqiptar po njeh trende pozitive në drejtim të zgjatjes së sezonit, zgjerimit të hartës turistike dhe zhvillimit të agroturizmeve si një model zhvillimi i qëndrueshëm./ atsh / KultPlus.com

Të ngjajshme