Kuvendi i Kosovës do të mbajë seancë solemne për të shënuar Epopenë e UÇK-së

5 Mars, 2022 - 9:30 am

Kuvendi i Kosovës do të mbajë seancë të veçantë solemne në nderë të Epopesë së Ushtrisë Çlirimtare të Kosovës, shkruan KultPlus.

Me fillim nga ora 12:00, deputetët e Kuvendit të Kosovës do të marrin pjesë në një seancë solemne të përvjetshme tanimë.

Presidentja Vjosa Osmani përmes zyrës për media ka konfirmuar pjesëmarrjen, derisa një gjë të tillë do ta bëjë edhe Albin Kurti.

Në anën tjetër, deputetët serbë të Kuvendit zakonisht kanë braktisur dhe nuk kanë qenë prezent në këto seanca.

Më 5, 6 dhe 7 mars të vitit 1998, sulmi nga agresori serb mori jetën e 55 njerëzve në fshatin Prekaz, 22 prej të cilëve ishin familjarë të ngushtë të Adem Jasharit. Këtij sulmi i mbijetoi vetëm Bashkimi, djali i Rifatit, i cili ia del që mes datës 5-6 mars të largohet nga rrethina dhe arrin t’i shpëtojë sulmit, si dhe Besarta, vajza e Hamzës, e cila pa dhe përjetoi tmerrin derisa vriteshin anëtarët e familjes së saj. /KultPlus.com

Të fundit

Të ngjajshme