Që nga mëngjesi i djeshëm, kur edhe u hap aplikimi për subvencionim të librave për filloristët nga ana e prindërve në platformën eKosova, e deri sot në orën 16:00, mbi 30 mijë aplikime janë regjistruar.

Kështu së paku ka thënë zëvendësministri i Arsimit, Taulant Kelmendi, i cili tha se sistemi po funksionin mirë.

“Në platformën eKosova për subvencionimin e teksteve dhe materialeve shkollore deri në ora 16:00 janë pranuar 32,800 aplikime. Sistemi është duke funksionuar mirë dhe me mbështetjen e MPB-së dhe AShI-së ekipet do të ofrojnë shërbim për mbështetje teknike edhe ditëve të fundjavës prej orës 09 deri në 16 në numrin 0800 30 900”, ka thënë Kelmendi, raporton Klankosova.tv.

Ai tha se shtëpitë botuese tashmë i kanë publikuar çmimet e kopertinës së librave dhe ato nuk mund rriten, e po ashtu, sipas tij, kanë publikuar pikat e shitjes për të gjitha Komunat.

Ndër të tjera, ai tha se janë duke u trajtuar edhe rastet e fëmijëve që regjistrohen në shkolla para moshës 6-vjeçare.

“Rastet e veçanta kur një fëmijë është regjistruar më herët se mosha 6 vjeçare në klasën e parë po trajtohen duke e dërguar numrin personal të fëmijës, emrin e shkollës dhe Komunën në emailin [email protected]”, potencoi zëvendësministri Kelmendi./KlanKosova/KultPlus.com