Një transmetim i drejtpërdrejtë ka kapur momentin kur një raketë SpaceX Starship shpërtheu në një top zjarri gjigant ndërsa po përgatitej për një fluturim testues.

Incidenti ndodhi të mërkurën në mbrëmje rreth orës 23:00 në Qendrën e Testimit Massey në Teksas, raporton BBC.

Në një komunikatë, kompania tha se nuk u shkaktuan lëndime. Ata thanë se nuk kishte rreziqe për komunitetet përreth dhe iu kërkuan njerëzve të mos i afroheshin zonës.