Muaji i ndërgjegjësimit për kancerin e gjirit, Vjosa Berisha u bën thirrje vajzave e grave për kontrolle rutine

11 Tetor, 2021 - 10:06 pm

Muaji tetor ndryshe njihet edhe si muaji i ndërgjegjësimit rreth kancerit të gjirit.

Aktorja dhe producentja e njohur, Vjosa Berisha, me këtë rast u ka bërë thirrje të gjitha vajzave dhe grave që të bëjnë kontrolle apo edhe mamografinë.

Artistja, e cila ka qenë e diagnostikuar me kancer në vezor, më tej thekson se zbulimi i hershëm i kancerit do të thotë shërim.

“Vajza e gra shfrytëzoni muajin tetor për të bërë kontrollën rutinë të gjirit apo edhe mamografinë (varësisht nga këshilla e mjekut dhe mosha) zbulimi i hershëm i kancerit do të thotë shërim”, kanë qenë fjalët e Berishës.

Regjisorja në një nga intervistat e fundit bëri me dije se u diagnostikua me kancer në muajin mars të këtij viti duke shtuar se ka qenë një moment shumë i vështirë./KultPlus.com

Të ngjajshme