Ndahen 300,000 euro për transformimin e Bibliotekës Hivzi Sylejmani në një hapësirë për dialog kulturor dhe zhvillim artistik

27 Janar, 2022 - 6:30 pm

Dje, më 26 janar 2022, Shefi i Misionit të Ambasadës së Dukatit të Madh të Luksemburgut në Kosovë nënshkroi mbështetjen prej 300,000 euro për transformimin e Bibliotekës Hivzi Sylejmani e cila do të bëhet një nga vendet kryesore të Manifesta 14.

Në një takim të mbajtur në Komunën e Prishtinës, kryetari i sapozgjedhur i Prishtinës, Përparim Rama, Drejtoresha Themeluese e Manifestës, Hedwig Fijen, Përfaqësuesja e Përhershme e Programit të Kombeve të Bashkuara për Zhvillim (UNDP) në Kosovë, Maria Suokko dhe shefja e misionit e Ambasadës së Luksemburgut në Kosovë, Natacha Gomes, diskutoi në detaje rëndësinë e bashkëpunimit dhe përkushtimin e tyre për rinovimin dhe rivitalizimin e Bibliotekës Hivzi Sylejmani, duke krijuar një qendër kulturore të rinovuar të udhëhequr nga komuniteti për qytetarët e Prishtinës.

Biblioteka Hivzi Sylejmani, do të bëhet një nga vendet kryesore të Manifesta 14 Prishtina, dhe do të evoluojë në një qendër kulturore afatgjate për komunitetin pas bienales, duke lënë një trashëgimi të qëndrueshme për qytetin. / KultPlus.com

Të fundit

Të ngjajshme