Një vullnetar arrestohet për zjarrin në katedralen e Nantesit

19 Korrik, 2020 - 3:00 pm

Një vullnetar në katedralen “Saint-Pierre-et-Saint-Paul” në Nantes të Francës është arrestuar pasi zjarri kaploi katedralen të shtunën, është njoftuar nga BBC.

Refugjati nga Ruanda ishte përgjegjës për mbylljen në ditën para se zjarri të kaplonte katedralen e të shkaktonte dëme të mëdha.

Prokurorët thonë se duan të pastrojnë mospërpuithjet në orarin e personit. Por, kanë insistuar se është tepër herët dhe e nxituar të mendohet se ai ka rol në zjarrin.

“Ne duhet të jemi të kujdesshëm me interpretimin e këtij paraburgimi. Është procedurë normale”, është thënë nga prokurori publik Pierres Sennes.

Emri i vullnetarit nuk është bërë i ditur. Sennes ka thënë se besohet se zjarri është ndezur qëllimisht. Tri zjarre kanë nisur në katedralen dhe po bëhen hetimet.

Jean-Charles Nowak, klerik në katedrale, ka thënë për gazetën “Le Figaro” se vullnetari ishte njeri i detyrave që kishte probleme shëndetësore dhe kishte vuajtur shumë në Ruanda, vend nga i cili ishte larguar para disa vjetëve. Refugjati ishte në diskutime për vazhdim të vizës me autoritaret lokale.

“Nuk besoj se ai e ka filluar zjarrin në katedrale. Është një vend që e adhuron”, ka thënë Nowak.

Rreth 100 zjarrfikës arritën të ndalnin zjarrin dhe të shpëtonin shkatërrimin e strukturës kryesore të shtunën. Kryeministri i Francës, Jean Castex, ka përgëzuar profesionalizmin e kurajën e zjarrfikësve.

Të fundit

Të ngjajshme