Osmani përkujton Skënderbeun: Krijoji lidhjen e përhershme mes shqiptarëve

17 Janar, 2022 - 11:17 am

Sot mbushen plot 554 vjet nga vdekja e figurës legjendare të Gjergj Kastriot Skënderbeu, më 17 janarin e vitit 1468, në Lezhë, shkruan KultPlus.

Presidentja e Republikës së Kosovës, Vjosa Osmani, përmes një postimi në llogarinë zyrtare ka përkujtuar heroin kombëtar të Shqipërisë në përvjetorin e vdekjes.

“Sot kujtojmë kryestrategun dhe heroin tonë kombëtar, Gjergj Kastrioti-Skënderbeu, i cili me përkushtimin e tij ndaj mbrojtjes së atdheut, mbrojtjes së vlerave kulturore e etnike të popullit të tij, por edhe me aleancat e fuqishme me popujt evropianë, e krijoi lidhjen e përhershme mes shqiptarëve, por edhe me popujt e qytetërimit perëndimor. Të përkulemi, Skënderbe”, ka shkruar Osmani.

Gjergj Kastriot Skënderbeu vdiq në moshën 63-vjeçare. /KultPlus.com

Featured Image

Të ngjajshme