Osmani: Zahir Pajaziti, Edmond Hoxha dhe Hakif Zejnullahu janë pararoja e UÇK-së dhe lajmëtarët e lirisë së Kosovës

31 Janar, 2022 - 1:10 pm

Presidentja e Kosovës, Vjosa Osmani, së bashku me kryeministrin Albin Kurti kanë vendosur kurorë lulesh te shtatoret e heronjve Zahir Pajaziti, Hakif Zejnullahu, Edmond Hoxha dhe Ilir Konushevci, shkruan KultPlus.

Përmes një postimi në llogarine zyrtare në ”Facebook”, ka shkruar se ata ishin patriotë të devotshëm.

Postimi i plotë:

“Zahir Pajaziti, Edmond Hoxha dhe Hakif Zejnullahu janë pararoja e UÇK-së dhe lajmëtarët e lirisë së Kosovës.

Ata ishin patriotë të devotshëm, organizatorë të zotë dhe luftëtarë të paepur.

25- vjet më parë, angazhimi i tyre për lirinë e vendit u ndal mizorisht në një pritë, në të cilën tre patriotët ranë në përjetësi.

Ata janë fryma çlirimtare, krenaria e shtetit të Kosovës dhe udhërrëfyes për brezat!

U kujtofshin përjetë Zahiri, Edmondi dhe Hakifi!”, shkruan Osmani.

Më 31 janar të vitit 1997 ndodhi njëra nga betejat e para të pjesëtarëve të Ushtrisë Çlirimtare të Kosovës me forcat armike. /KultPlus.com

Të fundit

Të ngjajshme