Pas Kiana Kryeziut edhe Albin Tahiri zyrtarizon pjesëmarrjen e tij në Lojërat Olimpike në Pekin

17 Janar, 2022 - 3:45 pm

Skitari nga Kosova, Albin Tahiri, do të marrë pjesë në Lojërat Olimpike “Pekini 2022”, shkruan KultPlus.

Lajmin e ka bërë të ditur Tahiri përmes një postimi në llogarinë zyrtare në “Facebook”.

“Është tanimë zyrtare, unë do të marrë pjesë në katër diciplina në Pekin”, shkroi Tahiri.

Tutje aj falënderoi Federatën e Skitare të Kosovës, që i dhanë mundësinë për të marrë pjesë për herë të dytë.

“Gjëja më e mirë është që në këto gara nuk do të jem vet, apo jo Kiana Kryeziu?”, pyeti ai duke bërë të ditur se do të garojnë bashkë.

Lojërat Olimpike Dimërore Pekin 2022, do të mbahen në Pekin të Kinës, prej 4 -20 shkurt. /KultPlus.com

Të ngjajshme