Për herë të parë në historinë e Kosovës, timonin e Kuvendit e merr një grua

3 Shkurt, 2020 - 7:32 pm

Vjosa Osmani nga Lidhja Demokratike e Kosovës është zgjedhur Kryetare e Kuvendit të Kosovës.

Osmani e propozuar nga Lëvizja Vetëvendosje,gjegjësisht nga deputetja Fatmire Mulhaxha-Kollçaku, i 65 mori vota pro, asnjë kundër dhe asnjë abstenim.

“Është nder shumë i madh që sot me besimin tuaj të zgjedhem që ta drejtojë Kuvendin e Kosovës për katër vitet e ardhshme”, ka thënë Osmani.

 “Falëndëojë qytetarët e Kosovës, që asnjëherë nuk rreshti së besuar që vota e tij do ta sjellë ndryshimin”, ka shtuar ajo.

Osmani është zotuar se Kuvendi do ta mbikëqyr Qeverinë e Kosovës.

“Të jemi një Kuvend që do të mbikëqyr mirë dhe rreptë Qeverinë e Kosovës”, ka thënë Osmani.

“Gjatë këtij mandati do t’ia kthejmë dinjitetin Kuvendit të Kosovës dhe po e shoh kualitetin e grupeve parlamentare”, u shpreh ajo,

Kryeparlamentarja e zgjedhur ka premtuarn debat demokratik, gjuha korrekte ndaj njëri – tjetrit gjatë udhëheqjes së saj.n

/KultPlus.com

Të ngjajshme