Politikani nga New York kërkon anëtarësimin urgjent të Kosovës në NATO

28 Shkurt, 2022 - 11:44 am

Ritchie John Torres është një politikan amerikan nga Nju Jorku, i cili ka kërkuar së fundmi anëtarësimin e Kosovës në Aleancën Veriatlantike, shkruan KultPlus.

Torres përmes një shkrimi në “Twitter” ka theksuar se kjo gjë nuk ka qenë asnjëherë më urgjente sesa tani, duke marrë parasysh ndodhitë që po ndodhin në Ukrainë nga pushtimi i Rusisë.

“Në sfondin e pushtimit ushtarak të Rusisë në Ukrainë, Kosova sërish kërkon të jetë anëtare e NATO-s. Disa javë më parë, unë avokova për pranimin e Kosovës në NATO. Bërja e gjësë së duhur nga aleatët tanë nuk ka qenë kurrë më urgjente”, ka theksuar ai.

Ministri i Mbrojtjes, Armend Mehaj, ka kërkuar që të ndodh anëtarësimi i përshpejtuar i Kosovës në NATO duke u bazuar në realitetin e krijuar pas agresionit ushtarak të Rusisë në Ukrainë. /KultPlus.com

Të fundit

Të ngjajshme